Home › Prayers › 聖母月的玫瑰經

聖母月的玫瑰經

Paline: 咦Crystal呀，你手上面攞住左啲咩呀？

Crystal: 呢個係玫瑰念珠，係誦唸玫瑰經嘅時候會用到嘅工具。

Paline:玫瑰經?我記得呀! 我地喺十一月既煉靈月有念過, 話係每念一篇玫瑰經就可以拯救到煉獄既一個靈魂去天國嘛，但今個月係聖母月, 點解又會用到玫瑰念珠既?

Crystal: 等話你知啦，聖母雖然升左天，但佢一直冇忘記到世間既人同煉獄既靈魂，仲一直為罪人代禱，希望佢地得到寬恕。聖母仲分別喺1857年及1917年喺位於法國南部既路德同葡萄牙中部既花地瑪顯現，特別叮囑世人要為悔改同補贖而多誦念玫瑰經。呢啲顯現仲比當時既新聞報導架，到而家都仲有好多人特意去聖母曾經顯現過既地方到朝聖架。

Paline: 唔怪得知我成日見到既聖母像既手上都有玫瑰念珠啦~話時話，我之前念完玫瑰經之後都唔係好明究竟有咩用，其實玫瑰經係咪就咁重複念聖母經就得架啦?

Crystal: 當然唔係念口簧咁念啦。其實念玫瑰經既時候我地需要默想基督一生的奧蹟，主要分開成四種奧蹟；包括歡喜五端、痛苦五端、榮福五端同埋光明五端。我們喺祈禱同默想裡面唔單只可以分擔耶穌既苦難、聖死同哀傷，亦都可以分享佢復活升天既喜樂與光榮。

Paline: 哦~ 所以每一端既默想就好似將耶穌基督既生活、苦難同光榮既事跡真真實實咁呈現出黎，同聖母一齊陪伴耶穌，參與天主嘅救世工程。

Crystal: 係呀。玫瑰經係咁多篇禱文中最中悅耶穌同聖母既聖心，同時都係一個獲得各種聖寵最有效既方法黎架!

Paline: 但係呢….我未係教友，會唔會冇咁多恩寵架…

Crystal: 梗係唔會啦，有人話過唸一篇玫瑰經就好比喻為編織咗一枝玫瑰送咗去天堂，雖然你未係教友，不過我地都係天主創造同鍾愛既仔女黎架嘛，天主一定會聽到我地既祈禱既。

Paline: 噢～又可以救煉獄既靈魂、又可以為罪人嘅悔改而祈禱、仲可以得到恩寵。睇黎玫瑰念珠真係好似一種有力嘅武器，使我哋帶嚟無窮力量去對抗罪惡，戰勝內心嘅掙扎，並幫助所有嘅靈魂。咁我可以既時候，真係要多啲唸玫瑰經啦。


Catholic Society
4L Paline Lee & 4L Crystal Choi

17 May 2022

Scroll to Top