Home › Prayers › 「聖枝主日」

「聖枝主日」

Paline: 仲有個幾禮拜就放假啦！真係好期待呀！Harvey 你放假有冇諗住去邊度玩？

Harvey: 我應該會返聖堂嘅～ 最多之後再搵啲日子去行街。嗱！復活節放假大家都知，但係你又知唔知復活節前嗰一星期，有啲咩事發生？

Paline: 等我諗下先，我記得中三嗰時嘅RE堂有講過類似嘅事。好似講咩「聖周」？

Harvey: 你咁講都啱嘅，而踏入聖周嘅第一日說係「聖枝主日」。

Paline: 聖枝主日又係咩嚟㗎？

Harvey: 聖枝主日係四旬期最後嘅一星期，聖週嘅開始即意味住耶穌好快就會被釘十字架，亦都係天主救贖人類計劃嘅高峰。而今年嘅聖枝主日就係4月2號啦。

Paline: 咁到時會點嫁？參加嘅人要自己帶樹枝去？

Harvey: 根據福音記載，當時耶穌騎驢入耶路撒冷嘅時候，民眾手持棕櫚樹枝歡呼，高呼「賀三納」，同將自己嘅長衣舖喺地下。耶穌就喺呢種好似君王般嘅禮遇下入耶路撒冷城。所以為咗紀念呢件事，我哋都係喺當日一齊拎住聖枝出遊，聖堂入面仲會以聖枝嚟做裝飾添。咁不如等我問下你，知唔知耶穌點解係騎驢，而唔係用馬呢？耶穌作為君王，用馬唔係應該更勁咩？

Paline: 耶穌係君王，不過佢係一個和平嘅君王，自然就會選擇以各方面表達對他人嘅愛，就好似佢平日所做嘅事咁，治病、講道，內容都係以天主嘅慈愛為主。多數只有將軍、達官貴人，或打仗嘅時候先會騎馬；而驢仔就啱啱相反，主要係窮人嘅交通工具，加上，耶穌騎驢入城就係預示咗佢以自己做祭品，為我哋而犧牲。

Harvey: 你講得好啱呀～ 教會除咗喺聖枝主日舉行禮儀，當日嘅福音亦會頌讀「耶穌受難始末」，等教友記起耶穌曾經受過嘅苦難，最終因佢嘅犧牲而克勝罪惡同死亡，畀我哋一個好好嘅機會反思和奉獻自己。

Paline: 係呀～ 所以我哋唔好忘記耶穌為我哋所作犧牲，應該時常奉獻自己，喺人哋有需要嘅時候盡量幫手啊！


Catholic Society
21 March 2023

Scroll to Top