「你們在主內應當常常喜樂 ⋯主快來了」(斐 4:4-5)

Jan: 大家好我哋係Catholic Society。喂Michael，你有冇報名join今個禮拜五嘅Christmas ball呀？不如我哋一齊去呀

Michael: 只要你叫到嘅，我隨傳隨到。過埋呢個星期就放假，我真係好期待呀!

Jan: 咁你最期待啲呀？

Michael: 梗係聖誕節啦！今個禮拜係將臨期嘅第三個主日，主題係喜樂。即係話我哋要喺呢個保持喜樂，迎接聖誕節。

Jan: 咁\就啱晒啦！呢個禮拜咁多咁正嘅活動，一定好開心，充滿喜樂添呀。即係諗下去邊度玩先，emmm，迪士尼又得啦，打邊爐都好似唔錯喎。只要我玩得開心，一定fit晒呢個主題嘅啫！

Michael: 等陣先～將臨期喜樂呢個主日唔係講緊呢種藉物質而得到既快樂啊，而係有更重要嘅含意㗎。喜樂主日標誌嘅係將臨期已經過半，聖誕節的來臨不再遙遠。呢種即將迎接主耶穌嘅喜悅，取代左起初等待嘅嚴肅氣氛。即係話當我哋認真反省完自己之後，我哋都應該要對耶穌降臨感到期待，所以呢個喜樂係有意思㗎。

Jan: 喺斐理伯人書第4章第4節講過［你們在主內應當常常喜樂；我再說：你們應當喜樂！主快來了。］呢種喜樂並非表面嘅歡聲笑語，而係源於同天主連結所帶來嘅內在平安同希望。佢提醒我地喺忙碌準備節日嘅時候，都唔好忘記基督即將降生成人嘅「喜訊」。

Michael: 而喺呢個因基督降生成人而喜悅嘅主日，我地係咪應該都要做返啲行動去回應返呢一份喜悅呢。譬如將物質嘅準備購物呀派對嗰啲，轉移到精神層面，同屋企人相聚。喜樂係需要分享㗎，就讓我地將呢份盼望同喜悅傳遞給身邊嘅人，可以係一個簡單嘅問候或者係一個鼓勵嘅微笑。所以除咗單純嘅開心，我地更加要生活出上主嘅喜訊，以喜樂嘅心迎接主嘅來臨。

Jan: 冇錯啦，而將臨期嘅最後一個主日就係厄瑪奴耳。

Michael: 乜嘢撈豬耳話？你講泰文呀？

Jan: 係厄瑪奴耳呀，意思即係「天主與我哋同在」寓意住小耶穌進入我哋嘅生命入面，為我哋帶嚟愛與光明。呢段時間進入左即將來臨嘅緊迫感同確切感，標誌著等待時期嘅結束，迎接主耶穌嘅降生。明白到天主不再係遙不可及嘅，而係透過耶穌基督嘅降生，親自來到人間，與我們同在。

Michael: 但係呢排我一直都聽到好多人討論因應著社會既狀況，我哋應唔應該慶祝聖誕節。

Jan: 但聖誕節嘅真正意義就係我哋點樣去傳達愛，去關心有需要嘅人，正正就係耶穌基督降生嘅使命，所以喺呢個節日我哋都應該活出呢一種精神。再講，聖誕節本來都象徵著耶穌為人受苦受難既開始，加上當時黑落德王下令殺死男嬰，全耶路撒冷都一同驚慌，但就係喺呢個黑暗、充滿恐懼既時間，耶穌降生來到我地當中，為人帶來光明同希望。

Michael: 同學仔都要記住呢一個喜訊，天主會一直與我哋同在，喺我哋生命裡面工作。並學習喺不安入面，嘗試期盼平安。而我地都需要將「天主與我們同在」嘅溫暖帶畀嗰啲孤獨、貧困或有需要嘅人，譬如做下愛德服務、義工等等。

Catholic Society