Home › Prayers › 〈隱形男孩〉

〈隱形男孩〉

今日我想同大家分享一本書，名為〈隱形男孩〉,所謂既隱形，並唔係指緊擁有隱形既超能力，而係指緊存在感比較薄弱,或者因為內向而較少與人互動既人,而故事既主角布萊恩,正正就係一位隱形男孩。係同學眼中,布萊恩就係內向、安靜、不多話等等既代名詞，好少有同學會同佢交流係班上面, 似乎從來無人注意到布萊恩，專題分組個陣，無人諗到要邀他加入自己的小組;聖誕聯歡會個陣，無人會諗到要寫聖誕卡;就連班會活動點人數個陣,都無人會記得佢既存在。布萊恩一直就處於一種隱形既狀態，佢亦漸漸對失去左自信。

直到一位新同學馬丁來到布萊恩的班上，雖然馬丁同其他同學一樣,一開始見到布萊恩都覺得對方係內向、安靜，但馬丁無因為咁而放棄同布萊恩既交流接觸，反而經常主動邀請布萊恩一齊食飯, 或者同組完成專題甚至一齊參加比賽。自此,馬丁既出現令布萊恩搵番自己的亮點，重拾自信明白自己原來一樣可以同人交流合作，自此布萊恩既生活終於出現左唔同既顏色，重新展現屬於佢既光采。

唔知你身邊又有無好似布萊恩既存在呢?，其實好多時他人既慢熱或者內向會妨礙我地去認識、了解一個人既本質。只要我地願意釋出善意，突破自己固有既限制, 踏出主動既一步，往往就會令對方感受到被接納與肯定，並進一步相信且發現，自己也有閃閃發光既地方。論語有云:君子尊賢而容眾，希望同學日後可以包容、接納他人既不同之處，發掘到對方意想不到既亮點。


Mr Chen LC
17 February 2023

Scroll to Top